ҚРҰАК қызметіндегі басты бағыттардың бірі – халықаралық ынтымақтастықты дамыту. Әлемдік кітапханалық және ақпараттық кеңістіктің бір бөлігі болып саналатын ҚРҰАК, отандық және шетелдік кәсіби ұйымдардың шеңберінде өтетін халықаралық кітапханалық шараларға қатысады. Мұндай істер халықаралық байланыстарды дамытуға және ҚРҰАК мамандарының басқа елдердегі кәсіби кітапханалық қауымдастықтармен ынтымақтастық жасауына септігін тигізеді. 

ҚРҰАК халықаралық қызметінің негізгі бағыттары

 

· Түрлі бағыттағы ақпараттық-мәдени ынтымақтастықты кеңейту; мемлекеттік, ұлттық, әлем, ТМД елдерінің кітапханаларымен,  ынтымақтастық туралы екі жақты келісімдерді дайындау,

· Халықаралық үкіметтік, қоғамдық, кәсіби ұйымдармен (Халықаралық кітапханалық ассоциациялар федерациясы (IFLA), Еуразия кітапханашылары ассамблеясы (БАЕ), Халықаралық кітапханалық, ақпараттық және талдау орталығымен (МБИАЦ), ЮНЕСКО, Дүниежүзілік даму банкімен, Азия даму банкімен, БҰҰ Даму бағдарламасымен (ПРООН) ынтымақтастық жасау. 

·  Қазақстан Республикасының аумағында және ТМД елдері кеңістігінде  кітап-иллюстациялық көрмемен алмасу жұмыстары. 

·  ТМД елдерінің Ұлттық кітапханаларымен бірлесе отырып, «дөңгелек үстелдер» және конференциялар өткізу.

·  Шетелдердің дипломатиялық өкілдіктерімен жұмыс жүргізу, дипломатиялық корпустармен кездесулер өткізу. 

·  Халықаралық конференциялар жұмысына қатысу. Шетелдерден келген қонақтарды қабылдау.   

·  Бірлескен жобалар: залдарды, орталықтарды ашуды жүзеге асыру. 

 

 

ҚРҰАК халықаралық ұйымдар жұмысына қатысуы

 

· Халықаралық кітапханалық ассоциациялар федерациясы (IFLA)

· Ұлттық кітапханалар (CDNL) директорларының конференциясы

· Ассамблеясы (БАЕ)

 

 

ҚРҰАК ұлы кітапханалар әлемінде

 

2010 жылдың 14-15 қыркүйегінде Мәскеу мемлекеттік халықаралық қатынастар институтында ТМД елдерінің шығармашылық және ғылыми зиялы қауым өкілдерінің қатысуымен V форумы болып өтті. Оның жұмысына ҚР Ұлттық академиялық кітапханасының бас директоры Ж.К.Шаймұханбетова қатысты.

 

                                                                                                                                                            * * *

2010 жылдың 1-5 қазан аралығында Қырғыз елінде «Ыстық-көл - 2010» жыл сайынғы Халықаралық конференция болып өтті. Оның жұмысына Ғылыми-талдау Орталығы жетекшісінің орынбасары Қ.Х.Нұралинова және автоматизация бөлімінің жетекшісі К.С.Бекжановтар қатысты. Сапардың мақсаты – ТМД елдеріндегі кітапхана ісін дамыту жөніндегі әріптестердің жұмысымен танысу, тәжірибе алмасу.

 

                                                                                                                                                             * * *

ҚР ҰАК «Американдық бұрыштың» маманы НАБ РК Н.М. Ағзамова осы жылдың 11 мен 13 тамыз аралығында Алматыда өткен «Американдық бұрыштарды нығайту мен қолдау»тақырыбына арналған конференциясының жұмысына қатысты.

 

                                                                                                                                                             * * *

2010 жылдың 10 мен 15 тамыз аралығында Швецияның Гетеборг қаласында ИФЛА ның 76 бас конференциясы мен ассамблеясының «Ақпаратқа ашық қол жеткізу: қалыпты прогресті қолдау» Бүкіләлемдік кітапханалық және ақпараттық конгресі болып өтті. Оның жұмысына Мәдени оқу Орталығының жетекшісі Ғ.Б.Исақанова, Ғылыми-талдау Орталығының жетекшісі М.Б.Валиулина, әлемдік әдебиет бөлімінің меңгерушісі Т.Г.Ермекпаевалар қатысты.

 

                                                                                                                                                             * * * 

2010 жылдың маусымында ҚР ҰАК қорларды құрастыру қызметі секторының жетекшісі А.М.Әбдірахманова Омбы қаласында «Кітапхана жұмыстарын ұйымдастыру және жағдай жасаудың қазіргі мәселелері: проблемалар, ізденістер, болашақтар» тақырыбындағы бағдарлама бойынша мамандықты жетілдіру дәрісінен өтті. Сондай-ақ, Омбыда ҚР Ұлттық академиялық кітапхана мен А.С.Пушкин атындағы Омбы мемлекеттік облыстық ғылыми кітапхана (ОҒӘК) арасында «Қазақстандық Ұлттық электрондық кітапхана» (ҚазҰЭК) жобасына қатысу үшін Келісімге және Халықаралық кітапалмасу Шартына қол қойылды. Келісімге байланысты ресейлік кітапхана ҚазҰЭК қорына Қазақстан туралы ақпараты бар кітаптардың электрондық көшірмесін береді. Сөйтіп, ОҒӘК ҚазҰЭК жобасына алғашқы шетелдік қатысушы болып саналады.

 

                                                                                                                                                             * * *

2010 жылдың 21 мен 29 маусымы аралығында АҚШ астанасы Вашингтонда мынадай кітапханалық шаралар өтті: Әлемдік сандық кітапхананың (WDL, АҚШ Конгресінің кітапханасы) екі конференциясы және Американдық кітапханашылар ассоциациясының (Вашингтондық Конференц-орталық) жыл сайынғы конференциясы болды. Шараларға ҚР ҰАК бас директоры Р.Қ.Отарбаев және электрондық ресурстар басқармасы қызметі жетекшісінің орынбасары З.Ж.Әмірханова қатысты.

 

                                                                                                                                                              * * *

2010 жылдың 22 сәуірінде ҚР Ұлттық академиялық кітапханасында салтанатты түрде «Америка бұрышы» ашылды. Қазақстандағы «Американ бұрыштары» – бұл АҚШ елшілігі мен қабылдаушы кітапхананың бірлесіп жүзеге асырған жобасы. «Америка бұрышы» жобасының мақсаты – қазақстандық аудиторияға ақпарат беру мен оларды тарту.

                                                                                                                                                             

                                                                                                                                                              * * *

2010 жылдың 14-16 сәуірі аралығында Мәскеу қаласындағы Ресей ғылым академиясының (ВИНИТИ РАН) Бүкілресейлік ғылыми және техникалық ақпарат институтында «Әмбебап ондық жіктеуді пайдалану мен жетілдіру әдістемесі» тақырыбында бүкілресейлік V ғылыми-практикалық конференция болып өтті. Конференция жұмысына ҚР ҰАК электронды каталог бөлімінің маманы Ш. Елеусізова қатысты. Сапардың негізгі мақсаты – ӘОЖ жүйесі бойынша күрделі зерттеу ғылымын жүйелеу саласында мамандығын арттыру, ӘОЖ бойынша туындайтын күрделі жағдайларды талқылау.

 

                                                                                                                                                             * * *

2010 жылдың 15-30 наурызы аралығында ҚРҰАК бір топ мамандары Египеттің Қазақстандағы Елшілігі және Египеттің ТМД елдерімен техникалық ынтымақтастық қоры ұйымдастырған сынақтан өтті. Қазақстандық кітапханашылар Египеттің жетекші кітапханалары базасында оқудан өтті.