«Астананың – кітап қазынасы».

Кітапхананың қоры 2004 жылдан бастап құрыла бастады. Мұның бәрі «Астананың – кітап қазынасы» акциясынан басталды. Осы бастамаға бүкіл ел болып үн қосты. Азаматтардың көпшілігі кітапхананың бірегей қорына өз үлестерін қосуға тырысты. Кітапханаға сый ретінде ҚР Ұлттық кітапханасы, ҚР Президенттік мәдениет Орталығы, баспалар, еліміздің жоғары оқу орындары, ғалымдар, саяси қайраткерлер, депутаттар. Жеке тұлғалар тартуларын ұсынды. Көпшілік бастамаға Ресей, Ұлыбритания, Жапония, Германия, Украина, Грузия, Үнді елшіліктері және т.б. үлестерін қосты.

Бүгінде ҚР Ұлттық академиялық кітапханасында 600 мыңнан аса дана бар және олардың көбі мазмұны жағынан бірегей кітаптар болып саналады. Олардың құрамында 50 тілден аса Қазақстан мен басқа елдерде шыққан кітаптар, мерзімді басылымдар, электрондық және басқа материалдар бар. Қорды құрастыруда басты нысанаға олардың ғылыми дәйектілігі, бірегейлігі, толық мәтінділігі, жедел қол жеткізуге болатындығы ескерілді. Соның ішінде Қазақстан туралы ақпараттарға, оның жетістіктеріне, табиғаты мен географиясына, өнеркәсібіне, қоғамдағы жағдайы мен мәдениетіне ерекше көңіл бөлінді.

Электрондық қор

ҚР Ұлттық академиялық кітапхананың даму Тұжырымдамасын басшылыққа ала отырып, оның басты ресурсы ретінде электрондық ақпарат, ал басты бағыты ретінде қағазсыз технология алынды.

ҚРҰАК электрондық ресурстарын құрастыру меншікті электрондық коллекциялар мен деректер базасын жасау есебінен, қашықтағы деректер базасына және электрондық каталогтарға қол жеткізу мүмкіндіктері, ҚРҰАК қорының бөлігі ретінде он-лайн ресурстарын пайдалану арқылы жүргізіледі.

Біз өз CD-ROM және DVD-ROM пайдаланушыларымызға сөздіктердің электрондық басылымдарын, кітаптарды, білімнің түрлі салалары бойынша энциклопедияларды, мерзімді басылымдардың электрондық үлгілерін, мемлекеттік және шетел тілдерін үйрену жөніндегі электрондық басылымдардың коллекцияларын; электрондық кітапханалар мен әлемнің ірі ақпараттық орталықтарының каталогтарын, интерактивті оқу курстары мен т.б. ұсынамыз.

Электрондық ақпараттық ресурстар туралы мәліметтерді «Дерек базасы» және «Мультимедиа коллекциялары» тарауларынан көре аласыздар.

Қордың басылымдар бойынша түрлері мен үлгілері

• Сирек кітаптар мен қолжазбалар
• Диссертациялар мен авторефераттар
• Мерзімді басылымдар
• Ноталық басылымдар
• Электрондық басылымдар – CD и DVD дискілер, электрондық сөздіктер мен оқулықтар
• Микрофишалар, микрофильмдер
• Карталар
• Библиографиялық көрсеткіштер

Баспадан шыққан басылымдардың жалпы саны – 600 мыңға жуық дана сақталу қорында

2010 жылдың жарты жылдығына мерзімді баспасөзге жазылатын қазақстандық, ресейлік және шетелдік газет-журналдардың жалпы саны 927 –ге жетті.