Жаңа түсім

Қандастар туралы жаңа деректер

ҚР Ұлттық академиялық кітапхананың қоры тағы да жаңа кітаптармен толықтырылды. Бұл жолы келіп түскен кітаптар «Дүниежүзі қазақтарының қауымдастығы» сериясымен шыққан туындылар. Бұл кітаптардың көбі шетелдерде тұратын қазақ диаспора өкілдерінің қаламынан туған тарихи деректерге толы танымдық құнды дүниелер.

Мысалы Дәлелхан қажы Жанымханұлы Жаналтайдың «Қилы заман – қиын күндер» деректі повесі сондағы қазақтардың басынан өткен небір қиындықтарды баяндап шыққан, Қытайдағы коммунистер мен чанкайшилер арасындағы қан-құйлы оқиғалар, соған қатысты қазақтардың тіршілігі мен әрекеттері жан-жақты көркем сөзбен жеткізілген.

Осы сериямен шыққан кітаптар ішінде Жақсылық Сәмиұлының «Қытай қазақтары», Ислам Жеменейдің «Иран қазақтары», Зардыхан Қинаятұлының 2 томдық «Моңғолиядағы қазақтар», Жәді Шәкенұлының «Қытайдағы қазақтар», Су Бихайдың «Қазақ мәдениетінің тарихы», Гүлнәра Меңдіқұлованың «Казахская диаспора: история и современность» зерттеу еңбектерімен қоса шетелдегі қандастарымыз арасынан шыққан ақын-жазушылар Омарғазы Айтанұлы мен Ақыт Үлімжіұлының таңдамалы өлеңдері, дастандары мен поэмалары, жыр-толғаулары, қисса-дастандары, Қажығұмар Шабданұлының «Пана» романы, Асқар Татанайұлының «Ел қорғаған Абылай» дастаны, Серік Қыпшпақбайұлының «Жоқ»повесі. әйгілі ақын Таңжарықтың тағылымы сияқты өлеңдері қай бір оқырманды бей-жай қалдыра алмайды.

Осы кітапты оқығандар өздері үшін мол деректер алады, шетел қазақтары тарихынан олардың қиын да қасіретті өмірінен өз ұлтының құндылықтарын жоғалтпау жолындағы жанкешті өмірлеріне қанық болады. Аталған авторлардың бәрі халқының рухани мұраларын жинауға да белсене атсалысқанын аңғарамыз.

Ал «Ақ бота» кітабы негізінен шетелдегі қандастарымыздың балаларына атажұрт – Қазақстанның рәміздерімен танысуға, атамекен әндерін үйренуге, түрлі сөздердің мән-мағынасын үйренумен қатар, ойлау қабілеті мен тапқырлығын шыңдауға айырықша көңіл бөлуді көздейді (25.03.09).

Кітапхана ұдайы кітап акцияларын өткізеді. Бізге Ж. Әбділдиннің «Тағлым мен тағзым», А. Айталының «Ұлт мұраты», Ә. Кекілбаевтың «Шандоз», Қ. Сұлтановтың «Мүдделер тоғысы» және басқа да тамаша кітаптар сыйға тартылды («Аударма», «Елорда», «Атамұра», «Арыс», «Фолиант», «Білім», «Өлке», «Сөздік-словарь» баспалары). «Бабалар сөзі» мәдени мұрасы бойынша «Ресейдегі Қазақстан жылы», «Ғибратты ғұмыр», «Қазіргі қазақ прозасы» атты кітаптар сериясын алдық.

Кітаптар акциялары өткізілгеннен кейін облықтық кітапханалар бізге өздерінің өлкелері туралы кітаптар жіберді. Бұл Маңғыстау, Қызылорда, Қостанай облыстарының кітапханалары және Алматы ОҒӘК.

Батыс Қазақстан университетінің, Шығыс Қазақстан университетінің, әл-Фараби атындағы ҚазМҰУ, Астана қаласындағы С. Сейфуллин атындағы Аграрлық университетінің, Павлодар мемлекеттік педагогикалық институтының, Семей педагогикалық институтының және басқаларының профессорлық-оқытушылар құрамдарының еңбектері.

Сондай-ақ, бізге Грузия елшілігі, Гете институты, Британдық кеңес, Қазақстан Республикасының Ресей Федерациясындағы елшілігі өз басылымдарын сыйлады.

Жаңалықтар

Әлем әдебиетінің бөліміне Oxford, Cambridge, Macmillan, Longman баспаларының жаңа кітаптары түсті. Ағылшын тілін оқу және дамыту бойынша әр түрлі әдістемелік оқу құралдары, әр түрлі салалар бойынша сөздіктер өте көп, оның ішінде: бизнес, құқық, компьютер, медицина, айтылу, идиомалар, сленг, химия, дін, бухгалтерия, сондай-ақ шетелдіктер үшін орыс тілін оқу бойынша сөздіктер және басқалары бар.

Жалпы оқу залында Жаһан, Жер, тірі табиғат, ұлы тұлғалар, физикалық және химиялық құбылыстар және көптеген басқа да шытырман, таңғажайып ақпарат бар.

Өнер залында, кескіндеме бойынша жаңа кітаптар келіп түсті. Сәулет, дизайн, кино, театр, опера және балет қайраткерлері жөнінде 140-тан астам қызықты кітаптар бар. Сондай-ақ, осы залдан оқырмандар үшін өнер жөніндегі журналдар да табылады.

АҚРҰАК-тың мерзімді басылымдар залының тамаша полиграфиялық базасы, әдемі безендірілуі оқырманның назарын аударады. 2004 жылдан бастап «Бәйтерек» атты қоғамдық-саяси журнал шығарыла бастады. «Менің елордам» бөлімінде Астананың өмірі туралы ақпараттар берілген.