ҚРҰАК-на 5 жыл

2009 жылғы 23 сәуірде Астана қаласындағы ҚР Ұлттық академиялық кітапханасына – 5 жыл толады. Біз оқырмандарды Ашық есік күніне шақырамыз. Сіздерді қызықты экскурсиялар, қазақстандық қаламгерлермен кездесулер, түрлі тақырыптағы - «Жетістіктер галереясы», «Сәнге енген тақырып - нанотехнологиялар», «Қазақтар әлемі» көрмелері күтіп тұр.

Сіздер Қазақстандық Ұлттық Электронды кітапхананың мүмкіндіктерімен жете танысуларыңызға да болады, ал мұны құруға еліміздің барлық кітапханалары атсалысқан. Сонымен қатар жаңа кітаптардың тұсаукесеріне, Мағжан Жұмабаевтың лирикасына арналған «дөңгелек үстелге» де қатыса аласыздар.

Қазақстан Республикасы Ұлттық академиялық кітапханасының тарихы еліміздің интеллектуалдық орталығы ретіндегі жаңа Астананың қалыптасуымен тығыз байланысты. Бүгінгі оқырмандар игілігінде - жарты миллионнан аса кітап, 1500 аталыммен отандық, шетелдік мерзімді басылымдар мен әр алуан электронды ақпараттар бар. Пайдаланушыларға қызмет көрсететіндер - электронды каталог, құжаттардың электронды жеткізілімі, виртуальді анықтама қызметі.

Кітапханадағы баспа өнімдері – «Қазақстандық Интернет тарихындағы очерктер» кітабы, «Кітапхана» ғылыми-әдістемелік журналы, «Молодые в библиотечном деле» журналының арнайы басылымы, «Библиотечные исследования в Казахстане» ғылыми мақалалар жинағы, ғылыми-тәжірибелік конференция баяндамаларының жинағы.

Бес жыл ағымында кітапханада ұйымдастырылған маңызды шаралар: Халықаралық оқу конгресі, республикалық «Бір ел – бір кітап» акциясы, Қазақстан жас кітапханашыларының тұңғыш слеті, «Астананың мәдени мәтіні» халықаралық конференциясы, «ММУ ғалымдарының сұхбаты» циклы аясындағы халықаралық ғылыми лекторий, «Астанаға кітапханалық отшашу» автокеруені.

Астанадағы Қазақстан Республикасы Ұлттық академиялық кітапханасы - қоғамдық мәдениет пен білім саласындағы мемлекеттің сенімді серігі!

23 сәуірде кітапхананың алғашқы мерейтойы аталып өтіледі. Ашық есік күніне оқырмандарымызды шақырамыз.

Іс-шаралар жайлы толығымен кітапхананың келесі сайттарынан қараңыз nabrk.kz және kazlib.nabrk.kz.

23 сәуірде өтетін іс-шаралар бағдарламасы

Кітапхана достарына хат

Оқырмандар лебізі

Кітапхана достарының құттықтаулары

23 сәуір – ҚР ҰАК Ашық есік күні

ҚРҰАК 5-жылдығына орай өткізілетін іс-шаралардың баспасөз релизі