Астананың мәдени мәтіні

ҚАЗАҚСТАН РЕСПУБЛИКАСЫ МӘДЕНИЕТ ЖӘНЕ АҚПАРАТ МИНИСТРЛІГІ

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

Қазақстан Республикасы Ұлттық академиялық кітапханасы

Л.Н. Гумилев атындағы Еуразия ұлттық университеті

«Астананың мәдени мәтіні» атты

II халықаралық ғылыми-тәжірибелік конференция

Қазақстан Республикасы, Астана қ.,

25-26 маусым 2009 ж.

АҚПАРАТТЫҚ ХАТ

«Қала-мәтін» метафорасы қазіргі кездегі қалалық зерттеулер үшін өте маңызды әрі жемісті болып табылады, өйткені, Қала ерекше құбылыс ретінде философтар, антропологтар, географтар, тарихшылар, әлеуметтанушылар, сәулетшілер, дизайнерлер, саясаттанушылар және көптеген басқа ғылым салалары мен мәдени қауымдастар үшін ең басты зерттеу объектісі болып табылады. Заңды түрде мынадай сұрақ туындайды: Қала төңірегіндегі барлық осы зерттеулік мүдделер қалай қарастырылады? Қатаң ғылыми көзқарас әдебиеттен немесе экономикадан басталатын қаланың әлеуметтік зерттеу кеңістігін, тарихи сипаттаудан басталатын философиялық рефлексияны ажырататын «нақты» шекараларды анықтауды талап етеді. Бірақ, конференция концепциясының негізінде «шынайылық әрқашан теориядан жоғары» деген Жан Бодриярдың идеясы жатыр. Саналы пәнаралық шекаралардың мақсаты – объектінің толық түсініктемесіне жету.

Қала – адам мәнінің, оны қоршаған әлемде өзінің ерекшелігін іске асыру қабілетінің құрылымдық белгісі. Астана – зерттеуге арналған құтты объект. Өзінің алғашқы зерттеушілерінің көз алдында қалыптасып келе жатқан қала; Қазақстан мәдениетін рәсімдейтін қала; жаһандану әлемінде әлемдік керіс (тренд) қиылысқан қала.

Жұмысқа деген көпжоспарлы және пәнаралық көзқарастар конференция жұмысына қатысудың түрлі формаларын ұсынады:

1. Пленарлық отырыс. «Қала туралы әңгімедегі визуалдылық және дискусивтілік». – 25 маусым 2009 ж. «Диалог» залы. Ұлттық академиялық кітапхана. Солжағалау.

Астана полисемантикалық кеңістік болып табылады, оған қатысты әр түрлі түсініктемелер жасауға болады, соның ішінде уақыттық, өйткені мәдени мәтіннің шынайылығы астана өмірінің он жылдығымен шектелмейді. Қазақ және қазақстандық, еуразиялық және әлемдік мәдениеттің қалыптасу тарихы ХХ-ХХI ғасырларда күш алған урбанистикалық процесстердің негізінде өзгеріске түсуі мүмкін.

Табиғатынан-ақ қала өзін бейнелейтін теориядан да жоғары тұрады, сондықтан тағы бір түсіндіру деңгейін қаланы құрудағы онтологиялық қажеттіліктен іздеу керек. Зерттеудің метафизикалық қиылысы оны жасаушы адамдар еркінің кеңістігі ретіндегі қаланың мәдени-нышандық кеңістігін түсінуге бағытталған.

2. Дөңгелек үстел. «Шынайылықтың әлеуметтік құрылымы: қазіргі кездегі қалалық зерттеулердің (әлеуметтанудан қала метафизикасына дейін) өзекті мәселелері». – 26 маусым 2009 ж. Л. Н. Гумилев атындағы Еуразия Ұлттық университеті, әлеуметтік ғылымдар факультеті.

Астана жаңа мемлекеттіліктің «жиынтығының» ғана орталығы емес, ол әлемдік мәдениеттегі, экономикадағы, саясаттағы орнының гуманитарлық рефлексиясының стратегиясы. Сондықтан отандық зерттеушілер алдында тұрған маңызды және қиын мәселе – парапар түзетілген талдау әдістемесін жасау. Қаланың мәндік және мақсаттылық шекарасын анықтауда қиыншылықтар бар. Жаңа қалада үстемдік ететін стильді немесе қызметті анықтау қиын, қаланың идеялық мақсатын есте сақтау үшін қала денесі өте ауқымды. Осы қиыншылық қазіргі қала зерттеушілерінің негізін құрайды.

3. Жас зерттеушілерге арналған мастер-класс. «Визуалды антропология». – 26 маусым 2009 ж. Л. Н. Гумилев атындағы Еуразия Ұлттық университеті, әлеуметтік ғылымдар факультеті.

Зерттеу объектісінің (Астана) ерекшелігі - Қазақстан үшін жаңа антропологиялық зерттеу типін қалыптастырады. Көптеген уақыт бойы әлемдік тәжірибеде антропологиялық әдістер тек бриколажды мәдениеттерді зерттеу үшін қолданылып келді. Соңғы он жылдық ішінде жағдай өзгеріп, сәтті өңделген антропологиялық зерттеу әдістемесінің нәтижесінде жаңа қалалық мәдениеттерді талдау үшін қолданыла бастады. Қазіргі гуманитарлық ғылым салаларының болашағы – визуалды талдау әдісін қолдануда. Жаңа пәнаралық ыңғайдың қолайлығы процесстерді тереңірек зерттеу үшін қолданылатын теориялық ыңғайлардың көптілігімен анықталады.

4. «Архитектурадағы мамандар мен дилетанттар пікірсайысындағы ұлттық сипат» пленар және перипатетикалық ойталас. – 25 маусым 2009 ж. Көркемдік шеберханасына бару.

Қазіргі сәулет өнері қандай болуы керек, бірыңғай құрылыс тәжірибесіндегі ұлттық бояуға деген сағыныш сезімді қалай сыйғызамыз.

Қала-мәтін құрылымында сәулет қала физикасын құрайтын қаңқа рөлін атқарады. Кеңістік үлгісі бос кеңістіктің жаңа формасын жасай тұрып мәдениетті бейнелеудің метатілі ретінде қарастырылады. Егер Астананы Қазақстанның жаңа астанасы ретінде қарастырсақ, онда жаңа шынайылықты бейнелеудің күшті әдісі – Астананы ең үлгілі сәулет өнерлерінің түрі ұсынылатын және салынатын жас астана ретінде қарастыру. Осындай сәулет өнері барлық әлемге Астананың үлгілі, ашық, жаңа сипатын көрсетеді. Сондықтан мәдени мәтін ретінде Астананың қалыптасу процесін жүзеге асырылған және жасауға ұсынылып, бірақ белгілі бір себептер бойынша жүзеге асырылмаған сәулет жобаларымен байланыстыруға тырысамыз.

Конференцияның жұмыс тілдері: қазақ, ағылшын және орыс тілдері. Ұсыныстарыңызды (тақырыптың қысқаша түсініктеме, баяндаушы туралы мәлімет және жабдықтардың – мультимедиялық проектордың, т.б. қажеттілігі туралы мәліметті) 2009 жылдың 20 маусымына дейін жолдауыңызды өтінеміз.

Баяндамаға қойылатын стандартты талаптар:

1.Баяндаманың аты, баяндама авторының және серіктес автордың (толық) аты жөні, фамилясы, әкесінің аты, ұйымның аты, қала, ел, Конференцияда баяндаманы таныстыратын тұлға.

2. Баяндаманың мазмұнын ашып көрсететін аннотация болуы қажет. Аннотацияның көлемі (пробелдерді қосқанда) 700 символдан аспауы қажет.

3. Баяндамалар электронды почта мен факс арқылы қабылданады. Текстер Word for Windows немесе ASCII форматтарында қабылданады. Шрифт Times New Roman (12 pt), интервал – одинарный, жоғарғысы – 2 см, төменгісі – 2 см, сол жақ– 3см, оң жақ – 2 см.

Беттің жоғарғы жағында баяндаманың аты бас әріптермен, оның астында екі интервалдан кейін автордың аты жөні мен тегі бас әріптермен, қала мен жұмыс орны кіші әріптермен, одан кейін екі интервалдан соң мәтін. Схемалар, диаграммалар, фотографиялар, сканерленген экран түрлері т. б. – JPG форматында. Баяндама мен аннотация, суреттер, қосымшалары т.б. –А4 формататындағы 12 беттен көп емес.

Баяндаманың мәртебесін анықтауды (негізгі баяндама, баяндама, хабарлама, стендтік баяндама) ұйымдастыру комитеті шешеді. Қабылданған баяндамаларды секциялардың әр түріне тіркеу, стендтік баяндама дәрежесіне ауыстыру немесе қабылдамай тастау да ұйымдастыру комитетінің құзырында.

Пленарлық мәжілістердегі баяндамалардың оқылуына - 10 мин., секциялардағы хабарламаларға – 5-7 мин. беріледі.

Жетекшілер:

Қазақстан Республикасының Ұлттық академиялық кітапханасы

Л. Н. Гумилев атындағы Еуразия Ұлттық университеті, философия кафедрасы

Қожабекова Әлия

Байланыс телефондары: (7172) 44-61-83

e-mail: akozhabekova@gmail.com

Медеуова Күлшат

Байланыс телефондары: 8 777 256 74 66

e-mail: mkulshat@gmail.com