Қазақстан жас кітапханашыларының слеті

Қазақстан жас кітапханашыларының слеті

Кемел келешекке кітапханамен бірге жетейік

2008 жылғы 22-23 мамырда Астана қаласындағы ҚР Ұлттық академиялық кітапханасында Қазақстан жас кітапханашыларының алғашқы республикалық слеті өтеді. Слетті ұйымдастырушылар – Қазақстан Республикасының Мәдениет және ақпарат министрлігі, ҚР Ұлттық академиялық кітапханасы және ҚР Кітапханашылар Ассоциациясы.

Слет мақсаты – Қазақстан кітапханаларына жас мамандарды орнықтыру, кітапханашы мамандығының позитивті имиджін нығайту, қабілеті жоғары мамандардың мансаптық өсуі жолында келешегі бар деген мамандарды анықтап, отандық және шетелдік жоғары оқу орындарына оқуға ұсыну.

Слет жұмысы кезінде «2009 – 2011 жылдарға арналған Қазақстан жас кітапханашыларына қолдау көрсету Тұжырымдамасының» жобасы, сондай-ақ осы замандық кітапхана ісіндегі кадр саясатының мәселелері жан-жақты талқыланады.

Қазақстанның барлық өңірінен Слетке қатысушы жүз делегаттың есімі белгілі болды. Олардың барлығы да облыстық, аудандық және ауылдық кітапханалардың жас мамандары. Слетке қатысу құқына ие болған жастар кәсіби білімге ұмтылуының арқасында өз ісіне деген шығармашылық қатынасқа, қызықты жобалар әзірлеуге, белсенді өмірлік ұстанымға қарай бет бұрды.

Слет жұмысына ҚР Парламент депутаттары, ҚР Президент Әкімшілігінің, ҚР Мәдениет және ақпарат министрлігінің, ҚР Білім және ғылым министрлігінің өкілдері, қазақстандық саясат және қоғам қайраткерлері, жазушылар, ғалымдар, журналистер, ҚР Кітапханашылар Ассоциациясының өкілдері – облыстық кітапханалардың басшылары, сондай-ақ білім беру, мәдениет саласындағы қызметкерлер қатысады.

Форумға келетін шетелдік қонақтар - Ресей мен Словакиядағы кітапхана ісінің тәжірибешілері мен танымал теоретиктері - Словакия кітапханалық ассоциациясының президенті Сильвия Стаселова, Ресей Мемлекеттік көпшілік тарихи кітапханасының директоры Михаил Дмитриевич Афанасьев және «Молодые в библиотечном деле» журналының бас редакторы, Ресей кітапханалық ассоциациясы «Молодые в библиотечном деле» секциясының төрайымы Татьяна Сергеевна Макаренко.

Слет кезінде жас кітапханашылардың кәсіби қарым-қатынасына да, тәжірибе алмасуына да айрықша назар аударылады. Осы мақсатта ҚР Ұлттық академиялық кітапханасында «Кітапханалардың жаңа форматы» көрмесі ұйымдастырылмақ. Аталған көрмеде ҚР ҰАК-ның осы замандық бағыттағы қызметін айқын көрсететін 16 павильон қойылады. Форум аясында Қазақстан Республикасының мемлекеттік кітапханаларындағы келешегі бар деген мамандарды анықтап, оларды ынталандыру мақсатымен өткен жылы хабарланған кітапханалық жұмыстар бойынша конкурс жеңімпаздарын марапаттау рәсімі өтеді.

Слет бағдарламасында «Кітапханалар астанасы», «Қазақстанның жүрегі - Астана», «Астанадағы мұхит тамшысы», «Астананың мәдени мәтіні» тақырыптарында шығармашылық кездесулер мен экскурсиялар жүргізу қарастырылған. Делегаттар мен қонақтар ҚР Парламент кітапханасына, Астана қаласындағы Орталықтандырылған кітапханалар жүйесі мен Л. Н. Гумилев атындағы Еуразия Ұлттық университетіне қарасты «Отырар» кітапханасына саяхат жасайды.

Қазақстан жас кітапханашыларының слеті қарсаңында «Қазақстандық кітапхана ісіндегі 100 жас маман» анықтамалығы, сондай-ақ қазақстандық «Кітапхана» және мәскеулік «Молодые в библиотечном деле» журналының арнайы нөмірлері басылымға әзірленуде.

Осындай маңызды да қызықты форумға қазіргі таңда ҚР Ұлттық академиялық кітапханасының, сонымен бірге еліміздегі барлық кітапхананың ұжымдары дайындалуда. Осы форумды ұйымдастыру комитетінің құрамына ҚР ҰАК жас кітапханашылары кірістірілді. Олардың слетті өткізуге ынтасы зор, дегенмен қалай өтеді деп қобалжуда. Алайда слет жемісті болар деген үміттеміз. Форум жұмысы жас буынды шығармашылық белсенділікке ынталандыруға әрі кітапханашы мамандардың мәртебесі мен әлеуметтік беделін көтеруге ықпал етеді!

Қазақстан жас кітапханашыларының слеті

«Кітапханалардың жаңа форматы» көрмесі

Слет жұмысында жас кітапханашылардың кәсіби қарым-қатынасына да, тәжірибе алмасуына да айрықша назар аударылады. Осы мақсатта ҚР Ұлттық академиялық кітапханасында «Кітапханалардың жаңа форматы» көрмесі ұйымдастырылады. Аталған көрмеде ҚР ҰАК-ның осы замандық бағыттағы қызметін айқын көрсететін 16 стенд қойылған.

Стендтер тізімі:

Стенд №1

«Жастар әлеуеті» - кітапханалық жұмыс конкурсының дипломанттары мен лауреаттарының жұмыс көрмесі. «Кәсіби мақала», «Ғылыми жұмыс», «Жобалар», «Кітапханалық іс-шаралар» номинациялары бойынша үздік жұмыстар ұсынылады.

Стенд №1/А

«Аймақтық кітапханалар жұмысының көрмесі»

Көрмеде ұсынылатындар - облыстық, қалалық және аудандық деңгейдегі кітапханалардың ең үздік жұмыстары, жетістіктері және жобалары.

Стенд №1/Б

«Астананың 10 жылдығына» - ҚР Ұлттық мұрағатының қорынан жеткізілген мұрағаттық материалдар көрмесі.

Стенд №2

«Цифрлау технологиялары» - функциональдық баптарды таңдау арқылы цифрлау тәсілдерінің көрсетілімі, құжаттардың электронды үлгісін редакциялау әрі ұсыну. Атрибуттарға сәйкес жекелеген пакеттерді иелену арқылы құжаттар пакетін құра отырып, электронды қоймадағы құжаттардың электронды үлгісін жүктеу механизмі.

Стенд №3

«Он-лайн ақпарат» - жазылып алынатын толық мәтінді мәліметтер базасымен таныстыру. Осы замандық кітапхана ақпарат көздерін меңгеру механизмдерін әзірлеуден оған қол жеткізуге дейінгі бетбұрыстарға бағытталған. Мұның мәні бүгінгі кітапхана барлық басылымдарға жазылуға не кітаптарды сатып алуға міндетті емес. Қалыптасқан нақты ақпарат көздері – толық мәтінді ғылыми мәліметтер базасына оқырмандардың қол жеткізумен жеткілікті түрде қамтиды.

Стенд №4

«Виртуальды кітапханашы» – электронды қызмет туралы баяндау: Алыс-жақын шет елдер мен Қазақстаннның ірі кітапханалары қорынан құжаттарды электронды жеткізу (кітап, газет-журнал мақалаларының көшірмелері) – edd@nabrk.kz;

Тәулік бойғы виртуальды библиографиялық қызмет spravka@nabrk.kz; Оқырмандарды мәліметтер базасымен, электронды каталогпен жұмыс істей білуге үйрету.

Стенд №5

«Қазақстанның мәдени мұралары» - Мемлекеттік «Мәдени мұра» бағдарламасы аясында жарық көрген кітаптар көрмесі. Бағдарлама шеңберінде 300 аса аталыммен кітаптар жарық көрді, соның қатарында «Бабалар сөзі», «Әлем әдебиеті кітапханасы», «Ежелгі дәуірден бастап бүгінгі күнге дейінгі қазақ халқының философиялық мұралары», «Әлемдік мәдениеттану ой-санасы» және басқа да сериялар. Мұнымен қатар қазақ, орыс және ағылшын тілдерінде «Қазақстан Республикасы» атты энциклопедиялық сөздік, «Қазақ тілінің синонимдер сөздігі», «Орфографиялық сөздік» секілді бірқатар сөздіктер де басылып шығарылды.

Стенд №6

«Ғасырдан соң» - Сирек кітаптар көрмесі. Көрмеде Л. Н. Гумилев атындағы Еуразия Ұлттық университетіне қарасты «Отырар кітапханасы» Ғылыми орталығының қорындағы жалпы мәдени әрі ғылыми маңызға ие сирек кітаптар ұсынылады.

Стенд №7

«Кітап және оқырман жолы. Автоматтандыру» - автоматтандырылған тәртіппен оқырмандарға қызмет көрсету кезеңінен көрініс: ресурстарды каталогтеу, толымдау және штрихкодтау жүйесінен бастап штрихкодты пластикалық оқырман карточкасын шығарумен бірге «Оқырманды тіркеуге» дейін «РАБИС» БҚ – республикалық автоматтандырылған кітапханалық-ақпараттық жүйесі негізінде жүзеге асырылады.

Стенд №8

«ҚазҰЭК – Мемлекеттік электронды кітапханалық қор (ЭМКҚ)» – Қазақстан кітапханаларының қарқынды жобасы». Негізгі міндет – бірегей электронды каталог құру және локальді, сондай-ақ қашықтағы компьютерлерге ену мүмкіндігімен үйлестіретін орталықтандырылған құжаттарды электронды сақтау орнымен қамту.

Стенд №9

«Жаттықтыру технологиялары» - маломобильді оқырмандарға қызмет көрсету мүмкіндіктерінің демонстрациясы - тифлокешендер: брайл дийсплейі, кітап оқу сканері, мәтінді ұлғайтатын стационарлы лупа, брайл принтері бар әрі арнайы бағдарламамен қамтылған компьютерлер. Есту, сөйлеу қабілеті кем-бағал зағиптар үшін – сөйлеу дағдыларына ықпал ететін кішігірім аудиокласс. Көру қабілетінен айрылғандардың аудиокітаптарды тыңдауына арналған осы замандық MP3-плейерлерін тифломагнитофонмен ауыстыратын сәт туды.

Стенд №10

«Сәнге енген тақырып – нано технологиялар» - жаңа кітаптар көрмесі. Нано-технологиялар – бұл нанометр жүйесінің көлемін тіреуіш ететін технологиялар. Кейбіреулер нано-технологияға ғылыми-техникалық революция жемісі ретінде қарайды, ал бұлардың не екенін білетіндер қатары тым аз. Көрмені әзірлеушілер осы мәселені жан-жақты қозғауға әрекет жасауда.

Стенд №11

«Кітапханалық кәсіби басылымдар» - қазақстандық және ресейлік «Кiтапхана», «Мир библиотек», «Вестник БАЕ», «Библиотековедение» тәрізді кәсіби журналдармен таныс ету. «Кiтапхана» және «Молодые в библиотечном деле» журналдарының бас редакторларымен кездесу.

Стенд №12

«Қазақстан кітапханалары» - ҚРКА жаңа жобасының тұсаукесері - «100 жас маман», «Қазақстан кітапханаларындағы танымал тұлғалар», «Жемісті жобалар» МБ арқылы Қазақстан кітапханашылары туралы сайттың құрылуы.

Стенд №13

«Техниканың соңғы сөзі» - кітапхана процесстеріндегі озық технологиялық жетістіктердің қолданысынан көрініс:кітап қоймасындағы құжаттарды тапсырыс берген тұтынушы үшін кітапхананың оқу залындағы құжаттар беру мінбесіне жеткізілуімен қысқа мерзімде қамтуға мүмкіндік беретін автоматтандырылған транспорттық “телелифт”жүйесі. Радиожиілік идентификациясы технологиялары негізімен кітапхана жұмысын автоматтандыру жүйесі (RFID).

Стенд №14

«Жетістік сатылары» - шетелдердегі кітапхана ісін оқыту бағдарламаларымен таныстыру: шетелдердегі әр алуан постдипломдық шәкіртақы бағдарламалары, осылардың ресурстарын жас кітапханашылар жаңа дәуір жағдайындағы жарқын идеяларын, тұжырымдамаларын, ақпараттық қызмет көрсету технологияларын жүзеге асыру мақсатында қолдануға мүмкіндік алады.

Стенд №15

«Жаңа толқын» - немесе бір кітапханашы театры. Делегаттар технологиялардың қыр-сырларын жетік меңгере отырып, өзін таныстыру мен мансаптық өсу секілді күрделі істе актерлық дағды мен ділмарлықтың маңыздылығын сезінетін болады. Делегаттарға қолдаушы топтың, музыканың және графиканың сүйемелдеуінде өзі туралы бар қабілетімен әңгімелеуге 2-3 минуттық сөз беріледі.

Стенд 16

«Мемлекеттік тілді оқытудың интериактив технологиялары». Мемлекеттік тілді жеделдетіп оқытатын республикалық орталықтың жұмыс көрмесі.