28-қыркүйекте ҚР Ұлттық академиялық кітапханасында Қазақстан халқы тілдерінің XI республикалық фестивалі аясында «Мемлекеттік тілге – мемлекеттік қолдау» тақырыбымен республикалық көрме өтті.
Көрмеде ҚР Мәдениет және ақпарат министрлігінің бюджеттік бағдарласы бойынша құрылған оқу құралдары, әдеби оқулықтар, сөздіктер көрсетіліп, компьютерлік бағдарлама үлгілері таныстырылды.
Көрме жұмысына ҚР Мәдениет және ақпарат вице-министрі Г. Телебаев, депутаттар А. Смайыл, Қ. Сұлтанов, ҚР Мәдениет және ақпарат министрлігіне қарасты Тіл комитетінің төрағасы Е. Шәймерденов және басқа да зиялы қауым өкілдері, өніммен жабдықтаушылар, мемлекеттік тілді оқыту орталықтарының қызметкерлері, тіл мамандары, қоғамдық ұйым өкілдері мен журналистер қатысты.
Өткізілген көрме арқылы тіл мәдениетін қалыптастыруға мүмкіндік туды. Мұнда барлығы 20-дан аса жеткізушінің өнімдері ұсынылған.
