Тарихтың тар жолдары
«Алматыкiтап» баспасы белгілі тележурналист Әнуар Мамырайымовтың Ұлы жібек жолы бойында орналасқан Қазақстанның тарихи ескерткіштері туралы баяндайтын жаңа кітабының тұсаукесерін өткізді.
«Қазақстан: Ұлы жібек жолындағы қасиетті жерлер» атты тамаша безендірілген қалың кітап үш - қазақ, ағылшын, орыс тілдерінде шықты. Ол Қазақстанның тарихы мен мәдениетін жете білгісі келетін- туристерге, тәуеп етушілерге, дипломаттарға арналған.
Бұл кітапта ел аймағында орналасқан Ұлы жібек жолы бойындағы барлық ескерткіштерді бір жүйеге келтіруге қадам жасалған. Ол Қытай шекарасынан басталып, Ресеймен шекаралас Батыс Қазақстан аумағында аяқталады.Қазірде соның бойында әйгілі ортағасырдағы жолдың бұрылыстарын қайталайтын трансконтинентальдық Батыс Қытай – Батыс Еуропа автобаны салынып жатқаны белгілі.
Бұл, көп ғасырдағы Ұлы жібек жолы сияқты, достық жолы, тиімді сауда жасау, ең бастысы, халықтардың бір біріне деген төзімділігін айқындайтын трасса болмақ. Әнуар Мамырайымов жиырмаға жуық деректі фильмдердің, бірнеше жүз телебағдарламалардың және төрт кітаптың авторы. Ол еліміздің тарихын қарпайым тілмен оқырмандарға жеткізе білді. 1996 жылы Қазақстан тарихын көрсете білгені үшін ол Алматы қаласының туысы атанған Туссон (Аризона штаты) қаласының құрметті азаматы атағына ие болды. 2005 жылы Әнуар «Достастық телевизиялық бағдарламаның ең үздігі» - «Рухани мұра туралы» номинация бойынша «Алтын гаухарды» жеңіп алды. Оның бір фильмі ЮНЕСКО-ның штаб – пәтеріндегі видеокаталогта сақтаулы. Ә.Мамырайымовтың «Қазақстан: Ұлы жібек жолындағы қасиетті жерлер» атты кітабы Қазақстанның өткен тарихына арналған төртінші кітабы.
Ғалия ШЫМЫРБАЕВА, Алматы
Дерек көзі: 2009 жылдың 21 қазанындағы «Казахстанская правда» газет
