30 қазанда сағ. 10.00-де Қазақстан Республикасының Ұлттық академиялық кітапханасында Шеврон Мұнайгаз инк. компаниясымен бірлікте «Мұнай және газ саласына арналған электронды оқу залы» жобасы аясында жоғары техникалық оқу орындарының оқытушылары мен студенттеріне арналған «Электронды ресурстар арқылы білім мен ғылымға көмек» тақырыбында семинар-тренинг өтеді. Бұл 2007 жылы «Мұнай және газ саласына арналған электронды оқу залын» ҚР ҰАК-мен бірлесе ашқан Шеврон Мұнайгаз инк. компаниясының гранттық семинары болып саналады (http://nabrk.kz/ru/programmy/oilgas).
Семинарға еліміздің әр аймағынан 16 оқытушы мен студент шақырылды. Олар: Ақмола Технология және бизнес университеті, Қ. Сәтпаев атындағы Қазақ Ұлттық техникалық университеті, Алматы Энергетика және телекоммуникация институты, Атырау Мұнай-Газ институты, Республикалық Ғылыми-техникалық кітапхананың Ақмола филиалы, ҚР Ұлттық кітапханасы, Маңғыстаудағы «Болашақ» институты, Ш. Есенов атындағы Каспий мемлекеттік технологиялар және инжиниринг университеті.
ҚР Ұлттық академиялық кітапханасы Қазақстан кітапханаларының орталығы болып табылады. Мұнда тұтынушыларды жылдам қамтамасыз етуге мүмкіндік беретін өндіру және тарату технологиялары енгізілуде. Бұлар көлемі мен өлшемі жағынан тұтынушылар талабына сай келеді. ҚР ҰАК базасында «Қазақстандық Ұлттық электронды кітапхана» (ҚР ҰАК) жобасы жүзеге асырылуда, сондай-ақ ғылым-білімге ақпараттық қолдау көрсету мақсатында кітапханада электронды ресурстар жүйесі құрылған, ол шетелдік мәліметтер базасынан тұрады (МБ).
Семинарға қатысушылар «Ресей Мемлекеттік кітапханасының электронды диссертациялар кітапханасы», «ProQuest диссертациялары», «Интегрум» МБ, Ист Вью (East view) МБ, EBSCO МБ, POLPRED.COM. 230 елдің экономикасы, «Кирилл мен Мефодийдің» мегаэнциклопедиясы, Дүниежүзілік Банктің Мәліметтер Базасы, Құқықтық Мәліметтер Базасы, Ресей мен Қазақстан кітапханаларының қорынан құжаттарды электронды жеткізу секілді МБ-мен танысатын болады. ҚР Ұлттық академиялық кітапханасының мамандары семинар қатысушыларына ғылыми әдебиеттерді, ғылыми ақпараттарды алу және конспектілеу, іздестіру процесіндегі мәліметтер базасымен жұмыс жасауды үйретеді, сондай-ақ ғылыми мақалалар құрастыру және материалдардың толық мәтінін пайдаланудағы басымдықтарды талдайтын базаларды қолдану мүмкіндіктері қарастырылатын болады.
Пайдаланушыларға қызмет көрсетуде электронды ресурстарды қолдану жоғары оқу орындарындағы оқу-тәрбие мен ғылыми процесстердің ақпараттық құраушысын арттыруға, қашықтан қызмет көрсету жүйесін дамытуға ықпал етіп, студенттерді өздігінен білім алуға тәрбиелейді.
Семинар соңында қатысушыларға сертификаттар тапсырылады.
Қайнар көзі: ҚРҰАК баспасөз қызметі, 24-29-32
