30 қазанда Қазақстан Республикасының Ұлттық академиялық кітапханасында Шеврон Мұнайгаз инк. компаниясымен бірлікте «Мұнай және газ саласына арналған электронды оқу залы» жобасы аясында жоғары техникалық оқу орындарының оқытушылары мен студенттеріне арналған «Электронды ресурстар арқылы білім мен ғылымға көмек» тақырыбында семинар-тренинг өтті. Бұл 2007 жылы «Мұнай және газ саласына арналған электронды оқу залын» ҚР ҰАК-мен бірлесе ашқан Шеврон Мұнайгаз инк. компаниясының гранттық семинары болып саналады (http://nabrk.kz/ru/programmy/oilgas).
Семинарды ҚР Ұлттық академиялық кітапханасы бас директорының ақпараттандыру ісі жөніндегі орынбасары Ә. Сәрсембинова кіріспе сөзбен ашты. Ол Шеврон Мұнайгаз инк. компаниясының демеушілігімен өткізіліп отырған бұлекінші семинар, мұның мақсаты – мұнайгаз саласы бойынша ақпараттық ресурстарды тарату әрі мәліметтер базаларымен жұмыс істей білуге үйрету деді.
Бүгінде көптеегн шетелдік кітаптар мен журналдарды сатып алудың қажеті жоқ, бірқатар мәліметтер базасын ашсаңыз, Сіздің алдыңызда білімнің әр алуан салалары бойынша әдебиет пен мерзімді басылымдар пайда болады. Оған ақпараттық семинарға қатысушылар «Ресей Мемлекеттік кітапханасының электронды диссертациялар кітапханасы», «ProQuest диссертациялары», «Интегрум», Ист Вью (East view), EBSCO МБ, POLPRED.COM. 230 елдің экономикасы, «Кирилл мен Мефодийдің» мегаэнциклопедиясы, Дүниежүзілік Банк, Құқықтық Мәліметтер Базасы, Ресей мен Қазақстан кітапханаларының қорынан құжаттарды электронды жеткізу секілді МБ-мен танысу барысында көз жеткізді. ҚР Ұлттық академиялық кітапханасының мамандары семинар қатысушыларына ғылыми әдебиеттерді, ғылыми ақпараттарды алу және конспектілеу, іздестіру процесіндегі мәліметтер базасымен жұмыс жасауды үйретті, сондай-ақ ғылыми мақалалар құрастыру және материалдардың толық мәтінін пайдаланудағы басымдықтарды талдайтын базаларды қолдану мүмкіндіктері қарастырылды.
Сонымен қатар Қазақстандық Ұлттық электронды кітапхана – ҚазҰЭКмен қашықтағы оқырмандарымыздыңмүмкіндіктері көрсетілді.
Семинарға еліміздің әр аймағынан 16 оқытушы мен студенттер қатысты. Олар: Ақмола Технология және бизнес университеті, Қ. Сәтпаев атындағы Қазақ Ұлттық техникалық университеті, Алматы Энергетика және телекоммуникация институты, Атырау Мұнай-Газ институты, Республикалық Ғылыми-техникалық кітапхананың Ақмола филиалы, ҚР Ұлттық кітапханасы, Маңғыстаудағы «Болашақ» институты, Ш. Есенов атындағы Каспий мемлекеттік технологиялар және инжиниринг университеті.
Семинар соңында қатысушыларға сертификаттар тапсырылады.
Қайнар көзі: ҚРҰАК баспасөз қызметі
