Биылғы жылдыі 22 қаңтарында ҚР Ұлттық академиялық кітапханада «Алтай. Алтын бесік, ата жұрт». кітәбіның тұсаукесері болып өтті. Оның авторы – белгілі жазушы, Қазақстанның еңбегі сіңген қайраткері, Мемлекеттік силықтың лауреаты, эсселер жазушы Әлібек Асқаров.
«Алтай. Алтын бесік, ата жұрт» кітабы «Фолиант» баспасы басып шығарды және ол саяхатшының күнделігі болып саналады. Автор адамдар алдында туындайтын түрлі табиғи бөгеттерден өте білген. Оқырман еріксіз автормен бірге шыңдарға «шығады», асулардан, тау-тасқындарынан «өтеді», Алтай тұрғындарымен танысады, солармен бірге қуаныш сәттерді бірге өткізеді. Кітапты «Көккөл», «Шындығатай», «Мұзтау», тарауларына бөліп, жолда кездескен табиғаттың қайталанбас көріністерін автор бәз-қалпында суреттейді. Бұрындары кейбір авторлар мен ақындар туған жер табиғатын асқақтатып жырлағанын білетін болсақ, «Алтай. Алтын бесік, ата жұрт» кітабын қазақ әдебиетінде алғашқы жазылған сафари стиліндегі шығарма деп бағалау қажет.
Оқырман үшін кітап қызықты баяндамасымен ғана емес, ең басытысы саяхат кезінде автор түсірген табиғаттың тамаша көріністеріне тәнті болатыны анық. Бұл кітап өз Отанын анасындай сүйетін қай ұрпақтың өкілдері үшін таптырмас олжа. Және бұл кітап шығармашылықты және табиғатты шын сүйетін қауым үшін арналғанын ескерсек, онда ол кітапханалардан лайықты орнын алатынына еш күмән жоқ.
Бұл арада автор мен оқырмандар арасында байланыс орната білген «Фолиант» баспасының еңбегін ерекше атаған жөн. Тамаша безендірілудің, дизайнерлер мен редакторлардың үйлесімді жұмысының арқасында кітап мазмұны мен оның иллюстрациясы біртұтас дүниеге айналды. Баспа бірнеше жыл қатарынан «Менің Отаным – Қазақстан» жобасымен айналысуда. Көркем безендірілген өлкетану тақырыбы бойынша шығарылатын бұл кітаптар сериясының мақсаты – республика аймақтарының барлық тұрғындарын байтақ еліміздің әр өлкесінің бай тарихымен, қайталанбас табиғатымен таныстыру, олардың санасында отанға деген мақтаныш және патриоттық сезімді қалыптастыру.
