Қазақстан Республикасының Ұлттық академиялық кітапханасында ғылыми қызметкерлерге, ұстаздарға, докторанттар мен аспиранттарға және зерттеу жұмыстарымен айналысатындардың бәріне қызмет көрсететін ғылыми зал ашылды.
Жобаның мақсаты ғылыми зерттеулермен айналысып жүрген ғылыми мамандар мен мүдделілердің бәріне көмек көрсету.
Ғылыми оқу залының қорында қазақстандық ғалымдардың үш жүзден артық диссертациялар, алты мыңнан аса қазақстандық және ресейлік ғалымдардың авторефераттары бар. Мұнда түрлі анықтамалық басылымдар өз іздеушілерін күтіп тұр, Ресей мемлекеттік кітапханасының электрондық кітапханасындағы толық мәтінді диссертациялар мен авторефераттарға он-лайн арқылы қол жеткізетін мүмкіндік бар. Сонымен бірге «Интегрум» (ресейлік толық мәтінді орталық және аумақтық басылымдар. ТМД еллдері ақпарат құралдары. Оларды қамту мерзімі он жыл), «Ист Вью» (қоғамдық және гуманитарлық ғылымдар жөніндегі журналдар, Медицина және денсаулық. Кітапхана ісі және ақпараттық қызмет көрсету), «Полпред. 230 елдің экономикасы », «ProQuest Digital Dissertations and Theses» (шетелдік толық мәтінді диссертациялар).
Ғылыми оқу залында Интернетке қол жеткізу, ноутбукбен жұмыс істеуге, көшірмелерді түсіруге және құжаттар мен материалдарды сканерден өткізуге мүмкіндік бар. Бұдан басқа мұнда микрофильмдер мен микрофиштерді оқу үшін аппараттар орнатылған. «Ғылым және Қазақстан» көрмесі жұмыс істеуде. Болашақта басқа да көрмелер мен семинарларды, ақпарат Күнін, ғылыми қызметкерлер Күндерін өткізу көзделуде.
Ғылыми оқу залының жобасы «Акцепт-Терминал» АҚ демеушілік бағдарламасының арқасында жүзеге асырылды.
