Осы жылдың 26 сәуірінде ҚР Ұлттық академиялық кітапханада «Земля ставшая Родиной » кітабының тұсаукесері болып өтті. Оның авторы – ҚР Парламент Мәжілісінің депутаты, Қазақстан халықтары Ассамблеясының мүшесі, Халықаралық ақпараттандыру академиясының академигі, Болгар мәдениет орталығының төрағасы Олег Дымов. Кітаптың бір нұсқасын автор ҚР ҰАК қорына салтанатты түрде тапсырды.
Публицист және ақын Олег Дымовтың қазақ жеріне деген патриоттық сезімінің бастауы өткен ғасырдың басында оның атасы, болгар ұлтының өкілі алыс жерден өз бақытын табу үшін бессараб көшкіндерінің қатарында алғашқылардың бірі болып қазақ жеріне келуінен басталады. Дымовтар отбасының тәжірибесі кітаптың «Болгарлар» тарауын жазуға негіз болды. Одан ол бірте-бірте «Өмірбаян очерктеріне» және «Қазақстан – біздің ортақ үйміз», «Қазақстан халықтары Ассамблеясы», «Қазіргі қоғамда рухани-мәдени бірлестік құрудың құқықтық қамтамасыз етілуі» тарауларына көшеді.
Арнаулы тарауда біздің мемлекет пен оның көшбасшысы туралы жазған әлемнің көректі саясаткерлерінің пікірлері өте қызықты берілген. Автордың мазмұнды баяндамасынан өзі жазған «Қазақстан халықтары Ассамблеясы» Заңының қалай туғанын білеміз. Қазақстан Республикасының Президентіне арнаған тарауы автордың қалам тартудағы талғампаздығын білдіреді.
Кітаптың тұсаукесеріне шығармашылық және ғылыми қоғам өкілдерімен бірге Мәжіліс депутаттары Виктор Киянский, Людмила Хочиева, Ольга Киколенколар қатысып, кітап пен автор туралы қызықты пікірлерімен бөлісті.
