24 маусымда Баспасөз, телевизия және радио күні қарсаңында Қазақстан Республикасы байланыс және ақпарат министрлігі Қазақстан халық ассамблеясы Хатшылығымен бірлесе отырып, ҚР Ұлттық академиялық кітапханасында Қазақстан халық Ассамблеясы жанындағы этникалық мәселелер жөніндегі жетекші журналистер мен сарапшылар Клубының (бұдан әрі - Клуб) алғашқы мәжілісін өткізді.
Клуб Қазақстан халқы Ассамблеясы жанындағы тұрақты жұмыс істейтін кеңестік-сараптық және ақпараттық орган болып табылады, оның қүұрамына этносаралық тақырыпты жарыққа шығаратын республикалық және жергілікті бұқаралық ақпарат құралдарының жетекші журналистері және этносаралық қарым-қатынастар саласындағы сарапшылар кіреді. Оның тұсаукесері 2009 жылдың 17 қарашасында өтті.
Отырысқа Қазақстан халқы Ассамблеясы Төрағасының орынбасары – Хатшылық меңгерушісі Е.Л.Тоғжанов қатысты.
Кездесу аясында Қазақстанның ел бірлігі доктринасын жүзеге асыру мәселелері, сонымен қатар біртұтас ақпараттық кеңестіктің құрылу мәселелері талқыланып қарастырылды.
Отырыс соңында «Казахстанская правда» газетінің бас редакторы Т.В.Костина осы газетте жарияланған этносаралық келісімнің қазақстандық моделі: жанр, тақырыптар, айдарлар» тақырыбында мастер-класс өткізді.
Кәсіби мереке қарсаңында этносаралық қатынастар төңірегіндегі мәселелерді кеңінен ашып жариялайтын БАҚ өкілдері Қазақстан халық Ассамблеясының Алғыс хатымен марапатталды.
Кездесу ҚР Ұлттық академиялық кітаханасының «Диалог» залында өтті.
