«Елбасы» жинағының тұсаукесері осы жылдың 29 маусымында ҚР Ұлттық академиялық кітапханасында өтті. Бұл жинақ басымыздағы бағымызды бағалауға шақыру үшін, қолдағы қазынамыздың қадіріне жетеуге үнду үшін дайындалды. Президент туралы сөз Елбасының өзінен бұрын елдің өзіне керек. «Басшысына бақ тұратын ел – басына бақ тұратын ел».
«Егемен Қазақстан» республикалық газеті» акционерлік қоғамының президенті Сауытбек Абдрахмановтың «Елбасы» жинағына жазған алғысөзіндегі осы жолдар кітаптың тұжырымдамалық ойын жақсы жеткізе білді. Бұл ұжымдық жинаққа Қазақстан Республикасының тұңғыш Президенті Нұрсұлтан Назарбаев туралы еліміздің бас газеті – «Егемен Қазақстанда» 1991-2010 жылдар аралығында жарияланған макалалр, сараптамалар, өлең-жырлар, Елбасымен сұхбаттар топтастырылған.
Кітап авторлары – халқымыздың көрнекті мемлекет және қоғам қайраткерлері, атақты жазушылар, саяхаттанушылар, публицистер-әрқайсысы әр қырынан қарастыра отырып, елімізді жер-жаһанға танытқан Елбасының ерен еңбегін келісті көрсетіп қана қоймайды, елдігіміз, мемлекеттігіміз туралы тағылымды ойларын ортаға салады.
