ҚР Ұлттық академиялық кітапханасы мен А.С.Пушкин атындағы Омбы мемлекеттік облыстық ғылыми кітапханасы арасында «Қазақстандық Ұлттық электрондық кітапхана» (ҚазҰЭК) жобасына қатысу жөніндегі Келісімге және Халықаралық кітапалмасу Шартына қол қойылды. Келісімге сәйкес, ресейлік кітапхана Қазақстан туралы ақпараттары бар кітаптардың электрондық көшірмесін ҚазҰЭК қорына беріп отырады. Сөйтіп, ОМҒК КазНЭБ жобасына шетелдік алғашқы қатысушы болып саналады.
Келісімге қол қою (2010 жылдың маусымында) ҚР ҰАК қорларын құрастыру секторының меңгерушісі А.М.Әбдірахманованың Омбы облысының Мемлекеттік білімдік мекемесі «Аумақтық инновациялық орталыққа» сапары кезінде қол қойылды. Омбыда А.Әбдірахманова «Кітапхана істерін ұйымдастыру мен баптаудың қазіргі тәсілдері: проблемалар, ізденістер, келешек» тақырыбында мамандықты жетілдіру бағдарламасы бойынша дәріс алды. Жолсапарын ұйымдастырушы «Қазақстан халқын дамыту қоры».
ҚР ҰАК маманы өте маңызды тақырыптар: «Психологиялық жаттығу», «Имидж қарым-қатынас жасаудың құралы», «Кітапханадағы әлеуметтік зерттеулер», «Кітапханадағы қызмет», «Кітапхана ісіндегі менеджмент», «Әлеуметтік мәдени үрдістеріндегі философия», «Кітапхананың жобалық қызметі» бойынша дәріс алды.
Оқу шеңберіне сәйкес Омбының кітапханаларына экскурсиялар ұйымдастырылды. Омбы облыстық мемлекеттік ғылыми кітапханасында жұмыс істеп тұрған қазақ әдебиетінің бұрышы көңілге қонымды әсер қалдырды. «Ельцин атындағы президенттік кітапхана» жобасының шеңберінде мұнда Ельцин атындағы аумақтық Президеттік кітапхана құрылды. Осы жобаның шеңберінде ОМҒК кітаптарды сандық жүйеден өткізу үшін құрал-жабдықтарды дайындады, соның нәтижесінде кітапхананың электрондық қоры құралды.
Экскурсия барысында ОМҒК директоры Царева Р.Н. ҚР ҰАК қорларына Омбы облысының губернаторы, Омбы облысы Үкіметінің төрағасы Л.К.Полежаевтың «Таңдамалы сөздері, мақалалары, сұхбаттары» жинағын силады. Өз кезегінде А.Әбдірахманова омбылықтарға ҚР ҰАК баспа өнімдерін тарту етті, ҚР ҰАК туралы видеоролик көрсетілді және ҚазҰЭК тұсаукесері өткізілді.
Оқу аяқталысымен оған қатысушыларға қысқа мерзімді мамандығын жетілдіру оқуын аяқтағаны жөніндегі «Аумақтық инновациялық орталықтың» куәліктері тапсырылды және «Омбы музасы» мен «Омбы мұрасы» журналдары тапсырылды.
