ҚР Ұлттық академиялық кітапханасында ҚР Президентінің Қазақстан халқына Жолдауына толық талдау жасаған «2020 ж. стратегиялық жоспар: көш бастаудың қазақстандық үлгісі» кітабының тұсаукесері болып өтті. Басылымды шығарған авторлық ұжым, оның құрамына Ресейдің жетекші экономистері, тарихшылары, саясаткерлері енді. Шараға құрметті қонақ ретінде авторлардың бірі, белгілі ресейлік саясаткер, Ресей Федерациясының ұлттық стратегия Институтының халықаралық жобалар жөніндегі директоры Юрий Солозобов қатысты. Сарапшының сөзіне қарағанда кітап Қазақстан тәуелсіздігінің 20 жылдығына арналған зерттеу сериясын одан әрі жалғастырмақ. Бұдан бұрын бұл ұжым «Қазақстандағы Президенттік билік: табыспен өткен 20 жыл» кітабын шығарған болатын.
- Шынында, тәуелсіздіктің 20 жылдығы Тұңғыш Президент Нұрсұлтан Әбішұлы Назарбаевтың және бүкіл қазақ халқының екі онжылдық табысы болып табылады,- деп атап өтті Ю.Солозобов. Автор қазақстандық жақ, атап айтқанда ҚР Президентінің Әкімшілігіне және «Деловой Мир» баспасына осы кітаптарды шығаруда көрсеткен көмектері үшін алғысын білдірді. Сондай-ақ, жаңарған бағдарламаның табысты өтуі, бұл бір жағынан экономика, бұл саясат және әлеуметтік аспектілер. Бүгінде Ресей және Қазақстандағы қоғамдық ұйымдарында шикізаттық емес, индустриалдық даму жөніндегі жаңа бағыт жөнінде қызу пікірсайыстары өтуде. Мұндай саналуан пікірлер біздің көрші мемлекеттердің одан әрі қарыштап дамуына түрткі болатыны сөзсіз,- деп ойын ортаға салды ресейлік қонақ.
Құралай ШЕРИЯЗДАНОВА,
«Казахстанская правда»газеті, 01.09.2010
