Біліктілікті арттыру курстар

ҚР Ұлттық академиялық кітапханасында ҚРҰАК Қолдау орталығы «5 институциональды реформаны жүзеге асырудағы 100 нақты қадам» ұлт жоспары бойынша Қазақстанның республикалық, облыстық, қалалық және ауылдық кітапханаларының қызметкерлеріне, сондай-ақ кітапханашы мамандарын дайындайтын оқу орындарының оқытушыларына арналған біліктілікті арттыру курсын ұйымдастыруды қолға алды. Семинар аясында теориялық және практикалық сабақтар өткізіліп, курстан өткені жөнінде сертификат берілді.
Курстарды Қазақстанның кітапхана ісі бойынша жоғары санатты мамандары жүргізді, сондай-ақ шетелдік мамандар да шақырылды.
2015
жылдың 15-18 қыркүйек аралығында Ұлттық академиялық кітапхананың қызметкерлеріГүлден Жәлел, Меруерт Жұбатханова, Айым Бекболатова, Фарида Нұрпейісова, Диляра Сейдахметова, сондай-ақ Ақтөбе облысының «Мұғалжар аудандық орталықтандырылған кітапханалар жүйесі» ММ басшысы Гүлнәр Жаңабергенова, «Н.Байғанин атындағы облыстық балалар кітапханасы» КММ директоры Гүлжайнар Қалдина «Тайм менеджмент», «Жалпыға қолжетімді кітапханалар мен мәдени мұраны сақтау. Каталогизация және электронды каталогты ұйымдастыру» тақырыптарында біліктілікті арттыру курсынан өтті. Курсты Ұлттық академиялық кітапхананың жетекші мамандарыҚР Ұлттық академиялық кітапханасының бас директоры Үмітхан Мұңалбаева, бас директордың пайдаланушыларға қызмет көрсету және идеология бойынша бірінші орынбасары Ғалия Исақанова, Құжаттарды өңдеу қызметінің жетекшісі Нұрбала Текесбаева, Ақпараттық-библиографиялық сервис қызметінің жетекшісі Сәулеш Назырова, Электронды ресурстарды басқару қызметінің жетекшісі Нұржан Жолдыбалинов жүргізді.
Курс аяқталған соң ҚР Ұлттық академиялық кітапханасының бас директоры Үмітхан Мұңалбаева қатысушыларды курстың аяқталуымен құттықтап, шығармашылық жетістіктер тіледі және сертификаттар табыстады.
2015
жылдың 20-23 қазан аралығында «Ханьянг» университетінің бас кітапханашысы, ақпарат және  кітапхана ісі бойынша докторы Хвичоль Ким (Сеул, Оңтүстік Корея) «Заманауи социумдағы кітапханалардың инновациялық рөлі және мамандарды даярлаудың жаңа үлгісі» тақырыбында курс өткізді.

Қосымша ақпаратты мына телефон нөмірі бойынша алуға болады : 8 (7172) 472654 Жанна Мырзаханова .

Кітапхана ісі саласындағы ҚР Ұлттық академиялық кітапханасындағы біліктілікті арттыру курстары мен семинарлардың жоспары