«ТӘЖ» әдеби-интеллектуалды клубы

Клубтың міндеті – ұлтымыздың рухани құндылықтарын, философиясын, поэзиясын өскелең ұрпақтарға жан-жақты насихаттау; әдеби-көркем шығармашылықты дамыту үшін Астана қаласында жастарға барынша қолайлы жағдай жасау, жас дарындарға қолдау көрсету; еліміздегі танымал тұлғалармен еркін байланыста болу мақсатында Қазақстан Республикасының Ұлттық академиялық кітапханасында шығармашылық кештер өткізу; сондай-ақ кітапхана мен оқырман, оқырман мен автор арасындағы байланысты нығайта түсу.

«ТӘЖ» клубының құрамында Ұларбек Нұрғалым, Ықылас Ожай, Асылзат Арыстанбек, Ғабиден Қуанышбай сынды атағы мәшһүр ақындар бар. Ақын-жазушылардың жалпы саны жүзге жуықтайды. «ТӘЖ» клубына поэзия, прозаға әуестеніп, әңгіме, эссе, жыр жазумен шұғылданатын, яғни сөз өнерін сүйетін кез келген тұлға мүше бола алады.    

Клубтың жетекшісі – Бауыржан Сегізбаев.