Құжаттарды электронды жеткізу


Құжаттарды электронды жеткізу және тапсырысты орындаудың
тәртібі мен шарттары:
 
1. 1996 жылдың 10 маусымдағы № 6-1 Қазақстан Республикасының «Авторлық және сабақтас құқықтар туралы» заңына сәйкес, басылымның тек 15 %-ның электронды көшірмесі беріледі. Басылым толық көлемде көшірілмейді.
2. Алынған  электрондық көшірме тек ғылыми және білім алу мақсатында пайдалануға рұқсат етіледі.
3. Электронды көшірмені жеткізу қызметін алу үшін ҚРҰАК-ның тіркелген оқырманы және электронды поштасы болу керек.
4. Сіз ҚРҰАК қорынан бір күнде біреуден көп емес басылымға ақысыз тапсырыс жасай аласыз.
5. ҚРҰАК қорындағы құжаттарға тапсырыс және жеткізу қызметі кітапхананың электрондық каталогынан іздеу нәтижесі негізінде орындалады.
6. Іздеу нәтижелерінде қажетті басылымды таңдап «Электронды түрдегі себетке енгізу» батырмасын басыңыз.
7. Тапсырыс себетінде кітаптың қажетті тарауларын немесе беттерін, не кітаптың мазмұнын белгілеу.
8. Басқа кітапханалар қорындағы құжаттарға тапсырыс пен жеткізу ақылы болып келеді. Серіктес кітапханалардан электронды көшірмеге тапсырыс құнын орындаушы жақ анықтайды. 
9. Тапсырысты орындау қызмет ақысы кітапхана кассасына түскеннен кейін немесе ақша кітапхананың есеп шотына түсіп, төлем жайлы құжат көшірмесін алғаннан кейін басталады.
10.Тапсырысқа төлемді ҚР ҰАК есеп шотына пошталық және банкалық аударылым арқылы төлеуге болады. Төлем тапсырысында «Құжаттарды электронды жеткізу бойынша қызмет» деген төлем мақсаты көрсетілуі керек.
11.Тапсырыс 2- 5 жұмыс күнінің аралығында орындалады.
12.Басқа кітапханалардан тапсырыс орындау мерзімі серіктестерге байланысты.
13.Басқа кітапханалардан электронды жеткізуге тапсырыс Электронды ресурстар залында (3 қабат 305 каб.) және edd_nabrk@mail.ru электрондық поштасында, тел.: +7(7172) 285332 қабылданады.
ҚР Ұлттық академиялық кітапханасының Құжаттарды электрондық жеткізу қызметі кітапхана қорында жоқ баслымдарға Қазақстан және Ресейдің басқа ірі  кітапханалары мен ғылыми орталықтарына тапсырыс беруге мүмкіндік береді (тапсырыс қор ұстаушы кітапханалардың бағасымен орындалады):

 

Қазақстан Республикасы ұлттық кітапханасы (ҚР ҰК www.nlrk.kz

ҚРҰК қорлары – әлем халықтарының 100 тіліндегі 6,3 миллион бiрлiк сақталған бірегей және әмбебап қор.. Ұлттық кітапхана қорынан журналдар мен газет мақалаларына, конференциялар мен жиналыстардың сұрыптамаларына, авторефераттарға, монографиялардың кейбір беттеріне (50 парақтан аспайтындай) электронды тапсырыс беруге болады.

 

Ғылыми-техникалық ақпараттың Ұлттық орталығы (ҒТАҰО) www.nauka.kz

ҒТАҰО Қазақстан Республикасының ғылыми-техникалық және зияткерлiк әлеуетін көрсететін аутоматты анықтама-ақпараттық қорларды қалыптастырады. Оның құрамына ұлттық, республикалық, мақсаттық, салалық, салааралық, аймақтық ғылыми-техникалық бағдарламалар және негізделген зерттеу бағдарламалары жайлы, аяқталған ғылыми-зерттеу еңбектері, ғылыми жұмыстардың жинақталған қолжазбалары, қорғалған диссертациялар,  ҚР-дің ғылыми-техникалық өңдеулер мен өндірістік тәжірибелері туралы құжаттар массивтері және мәліметтері кіреді.

 

Ресей ұлттық кітапханасы  (РҰК) (Санкт-Петербург қ.)  www.nlr.ru

Ресей ұлттық кітапханасы – орыс тіліндегі басылымдардың толық жинағының иеленетін әлемдегі ең ірі кітапхананың бірі. Кітапхана қорларында ғылым мен техниканың жетекші салалары бойынша әлемнің көптеген тілдеріндегі әдебиеттер шоғырланған. Кітапхана қорларында 37 млн данаға жуық баспа туындылары және басқа да ақпараттық ресурстар сақталған, оның ішінде электронды таратушылардағы ресурстар бар.

 

Ресей мемлекеттік кітапханасы (РМК) (Мәскеу қ.)  www.rsl.ru

Ресей мемлекеттік кітапханасында әлемнің 367 тіліндегі ресейлік және шетелдік құжаттардың бірегей жинағы орын алған, оның қор көлемі 45 млн. сақтау бірлігінен асады. Мұнда арнай карталар, ноталар, дыбыстық жазбалар, сирек кітаптар, диссертациялар, газеттер жинақтары мен басқа да баспа түрлері бар.

 

 Мемлекеттік көпшілік тарихи кітапханасы (Мәскеу қ.)  www.shpl.ru

Мемлекеттік көпшілік тарихи кітапханасы тарих, тарих ғылымдары және оған сабақтас пәндер бойынша  мемлекеттік қойма болып есептеледі. Кітапхана қоры 4 млн. данаға жуық, оның 2,5 млн. кітап. Оған орыс тіліндегі, Ресей Федерациясы халықтарының тілдеріндегі және шетел тілдеріндегі басылымдар кіреді.

 

И.М. Сеченов атындағы Бірінші Мәскеу мемлекеттік университетінің Орталық ғылыми медициналық кітапханасы   www.scsml.rssi.ru

Орталық ғылыми медициналық кітапханасы денсулық сақтау саласындағы ғылыми және тәжірибелік қызметкерлерге қызмет көрсетуге арналған медицина салалалық басты кітапхана болып табылады. Кітапхана қорында орыстың жергілікті медициналық әдебиеттері, медициналық оқу орындарының, медициналық бірлестіктерінің басылымдары, орыс медицианлық журналдарының жиынтықтары (XVIII ғ. соңынан бастап), орыс медицина классиктерінің еңбектері, Гиппократ, Гален, Авиценның т.б. еңбектерінен ерекше басылымдар (XVI ғ. бастап) қамтылған. Кітапхана қорында ресейлік және шет елдік медициналық әдебиеттер (оның ішінде ғылыми еңбектер, аудармалар, диссертациялар, авторефераттар, жинақталған қолжазбалар), 3 миллион дана (1,5 миллионнан аса атаулар бар) еңбек есепке алынған.